మాలయాళ చిత్రం RDX (రాబర్ట్ డోనీ జేవియర్) ఆగస్టు 25, 2023న ఓనం స్పెషల్‌గా థియేటర్లలో విడుదలైంది. భారీ బ్లాక్‌బస్టర్‌ మూవీగా నిలిచింది. యాక్షన్ థ్రిల్లర్‌గా తెరకెక్కిన ఈ చిత్రంలో షేన్ నిగమ్, ఆంటోని వర్గీస్, నీరజ్ మాధవ్ ప్రధాన పాత్రలు పోషించారు. నహాస్ హిదాయత్ దర్శకత్వం వహించిన ఈ చిత్రం ప్రపంచవ్యాప్తంగా బాక్సాఫీస్ వద్ద 80 కోట్లకు పైగా వసూలు చేసింది.
నెట్‌ఫ్లిక్స్‌లో సెప్టెంబర్ 24 నుంచి RDX స్ట్రీమింగ్ అవుతోంది. ప్రస్తుతానికి ఇతర వెర్షన్‌ల గురించి సమాచారం లేదు. పులిమురుగన్, లూసిఫర్, 2018 తర్వాత కేరళలో 50 కోట్లకు పైగా వసూలు చేసిన నాల్గో మలయాళ చిత్రంగా RDX నిలిచింది.
RDX అనేది ఒక యాక్షన్ డ్రామా. ఇది మూడు పాత్రల గురించి కథను వివరిస్తుంది. వారి జీవితాల గురించి వారు తెలుసుకున్నప్పుడు పరిస్థితులు తీవ్రంగా మారుతాయి. ఇందులో పోరాట సన్నివేశాలు, చేజ్ సన్నివేశాలు, స్లో-మోషన్ షాట్‌లు ప్రేక్షకుల దృష్టిని కూడా ఆకర్షించింది. ఈ చిత్రంలో షేన్ నిగమ్, ఆంటోని వర్గీస్, నీరజ్ మాధవ్ ప్రధాన పాత్రలు పోషించారు. నటీమణులు ఐమా సెబాస్టియన్, మహిమా నంబియార్ కీలక పాత్రలు పోషించారు. నటులు లాల్, బాబు ఆంటోని, బైజు సంతోష్, మాలా పార్వతి, నిశాంత్ సాగర్, సందీప్ సహాయక పాత్రల్లో కనిపించారు.
నూతన దర్శకుడు నహాస్ హిదాయత్ దర్శకత్వం వహించిన ఈ చిత్రాన్ని వీకెండ్ బ్లాక్ బస్టర్స్ ప్రొడక్షన్ కంపెనీ బ్యానర్‌పై సోఫియా పాల్ నిర్మించారు. రషీద్ షాబాజ్, ఆదర్శ్ సుకుమారన్ ఈ చిత్రానికి స్క్రీన్ ప్లే అందించారు. సామ్ సిఎస్ స్వరాలు సమకూర్చగా పాటలకు మను మంజిత్ సాహిత్యం అందించారు.
వీకెండ్ బ్లాక్‌బస్టర్స్‌ బ్యానర్‌పై సోఫియా పాల్ ఆర్‌డిఎక్స్‌ను నిర్మించారు. ‘RDX’ విడుదలైన మొదటి 3 రోజుల్లోనే దేశీయ బాక్సాఫీస్ నుంచి రూ.13.5 కోట్లకు పైగా గ్రాస్ వసూలు చేసింది. 5 కోట్ల బడ్జెట్‌తో రూపొందిన ఈ చిత్రం తొలిరోజు 1.5 కోట్ల రూపాయలను వసూలు చేసింది. ఆగస్ట్ 24న విడుదలైన దుల్కర్ సల్మాన్ కింగ్ ఆఫ్ కోతా, నివిన్ పౌలీ రామచంద్ర బాస్ అండ్ కో సినిమా కంటే ఆర్డీఎక్స్ బాగుంది. థియేటర్లలో చూడటం మిస్‌ అయిన వాళ్లు ఇప్పుడు ఓటీటీలో చూసి ఎంజాయ్‌ చేయండి.
